Missili vidatu anticarri

Un missili vidatu anticarri (ATGM) (ancu chjamatu un'arma vidata anticarri o un'arma vidata antiblindata) hè un missili vidatu par u più cuncipitu par aghjunghja è distrughja i veiculi militareschi putintamenti blindati.^[1] L'ATGM varieghjani in taglia, andenduda l'armi lanciati à a spadda, chì poni essa traspurtati da un solu suldatu, à l'armi più grandi cuddati annantu à brandali, chì nicissiteghjani una squadra o una squadra par essa traspurtati è tirati, passendu da i sistemi di missili muntati annantu à veiculu è annantu à avviò.

L'anziani armi anticarri purtevuli, com'è i fucili anticarri è i mini magnetichi anticarri, aviani di solitu una purtata mori corta, calchì volta di circa uni pochi di metri o dicini di metri. I sistemi anticarri à splusivu sciappendu (HEAT) sò apparsi in cori di a Siconda Guerra mundiali è ani stesu a purtata à parechji cintunari di metri, ma a pricisioni era debuli è tuccà i bersaghji à 'ssi distanzi era in grandi parti una quistioni di scianza. Hè a cumbinazioni di a prupulsioni par fusea è di u televida par cavu chì hà resu l'ATGM mori più efficaci ch'è 'ssi armi antiriori, è chì hà datu à l'infantaria lighjera una riali capacità annantu à u campu di battaglia contru à i carri di dopuguerra. L'intruduzioni di u vida mezautumatica in u 1960 hà dinò migliuratu i pristazioni di l'ATGM.

In u 2016, l'ATGM erani apradati da più di 130 paesi è numarosi attori micca statali in u mondu sanu. I carri di cumbattimentu principali (MBT) di dopuguerra usendu currazzamenti cumpositi è riattivi si sò avvirati risistenti à l'ATGM più chjuchi.

1. ↑ 'Ss'articulu pruveni in parti da a wikipedia in inglesu.